Զելենսկին հանդիպել է Թրամփի հատուկ ներկայացուցչի հետ
Ուկրաինայի նախագահ Վլադիմիր Զելենսկին փետրվարի 20-ին հանդիպել է Ուկրաինայում ԱՄՆ հատուկ ներկայացուցիչ Քիթ Քելլոգի հետ։
Ինչպես հայտնում է UNIAN-ը, ամերիկյան կողմի խնդրանքով հանդիպման ձևաչափը չի ներառել հայտարարություններ կամ լրագրողների հարցեր։ Երկու քաղաքական գործիչներն էլ այս հանդիպման մանրամասները դեռ չեն հայտնել։
Հիշեցնենք, որ փետրվարի 3-ին ԱՄՆ նախագահ Դոնալդ Թրամփը գործադիր հրաման է ստորագրել պաշտոնաթող գեներալ-լեյտենանտ Քիթ Քելլոգին Ուկրաինայի և Ռուսաստանի հարցերով հատուկ ներկայացուցիչ նշանակելու մասին։ Նա պետք է պատասխանատու լիներ երկու երկրների նկատմամբ ամերիկյան քաղաքականության համակարգման և նրանց միջև խաղաղ բանակցությունների դյուրացման համար։
Փետրվարի 19-ին Քելլոգը պաշտոնական այցով ժամանել է Կիև։ Նա ասաց, որ իր առաքելության մի մասն ուկրաինական կողմին լսելն է։
