Լորի ձվով բույն-կոտլետներ

Բաղադրիչները՝ 4 բաժնի համար

• 3-4 կտոր բատոն հաց
• 100 մլ կաթ
• 1 փոքր գլուխ սոխ
• 1 հատ հավի ձու
• 70-100 գ պանիր
• 600-650 գ մսի խճողակ
• 1/2 թ/գ աղ
• աղացած սև պղպեղ՝ ըստ ճաշակի
• 1 ճ/գ կարագ
• մի քանի հատ լորի ձու

Պատրաստման եղանակը

Առանց կեղևի բատոն հացը մի քանի մասի բաժանեք ու 5-10 րոպե թրջեք կաթի մեջ:

Սոխը խոշոր քերիչով քերեք կամ բլենդերով մանրացրեք: Հավի ձուն մի փոքր հարեք: Պանիրը խոշոր քերիչով քերեք:

Մսի խճողակին ավելացրեք սոխը, բատոնը, աղն ու պղպեղը: Խառնեք ու մի քիչ ծեծեք՝ հանելով պնակի միջից ու նորից հետ նետելով:

Մսի խճողակը համաչափ մասերի բաժանեք: Մսից գնդիկներ արեք, հետո տափակեցրեք: Տապակի մեջ փայլաթիթեղ քաշեք, պատեք այն կարագով, իրարից մի քանի սանտիմետր հեռավորության վրան շարեք մսի տափակեցրած կտորները:

Մսերի կենտրոնում միջուկի համար փոսեր արեք:

Մոտ 25-30 րոպեով տեղադրեք 200 աստիճան ցելսիուս տաքության ջեռոցում:

Տապակը հանեք, մսի փոսիկների մեջ լցրեք քերած պանիրը, վրաները ջարդեք մեկական լորի ձու, մի փոքր աղ արեք: Եվս 7-10 րոպեով տեղադրեք ջեռոցում: