ԱՄՆ բարձրաստիճան դիվանագետները Բաքվում քննարկել են Հայաստան-Ադրբեջան խաղաղության գործընթացը
ԱՄՆ պետքարտուղարի փոխտեղակալ Ջոշուա Հաքը և Կովկասյան բանակցությունների ավագ խորհրդական Լուիս Բոնոն դեկտեմբերի 6-ին այցելել են Բաքու՝ Ադրբեջանի պաշտոնյաների հետ բարձր մակարդակի հանդիպումներ անցկացնելու նպատակով։
ԱՄՆ դեսպանատան «X» միկրոբլոգում հրապարակված հաղորդագրության համաձայն՝ Ջոշուա Հեքն ու Լուիս Բոնոն Ադրբեջանի պաշտոնյաների հետ քննարկել են Հայաստան-Ադրբեջան խաղաղության գործընթացի հաջորդ քայլերը՝ ուղղված կայուն և արժանապատիվ խաղաղության հաստատմանը։
Քննարկվել են նաև երկկողմ հարաբերությունների ամրապնդման և կլիմայական հարցերի շուրջ համագործակցության հնարավորությունները՝ COP29-ի հաջողություններից հետո։
