Գիտնականները 2040 թվականի համար կանխատեսել են կյանքի տևողության անկում

ՄԻԱՎ վարակի, օդի աղտոտվածության, դիաբետի և ճարպակալության պատճառով կյանքի միջին տևողությունը կարող է կրճատվել:

Lancet բժշկական պարբերականում նշվում է, որ մարդկության պատմության ընթացքում կյանքի միջին տևողությունն աճել է՝ հասնելով 60, իսկ զարգացած երկրներում՝ 80 տարվա:

Ըստ զարգացման տարբեր սցենարների՝ կյանքի միջին տևողությունը կարող է և՛ կրճատվել 4-5 տարով, և՛ աճել:

Հետազոտության համաձայն՝ կյանքի միջին տևողության ցուցանիշները տարբերվում են՝ կախված երկրից և տարածաշրջանից:

Օրինակ՝ ԱՄՆ-ն 2040 թվականին կյանքի միջին տևողության ցուցանիշով կիջնի երկարակյաց երկրների ցուցակում 44-ից 46-րդ հորիզոնական:

Առաջին տեղը կզբաղեցնի Իսպանիան, որտեղ կյանքի տևողությունը կկազմի 85,8 տարի, իսկ ներկայիս առաջատարը՝ Ճապոնիան, կզբաղեցնի երկրորդ հորիզոնականը:

Ըստ ամերիկացի գիտնականների հետազոտության՝ Հայաստանում այդ ցուցանիշը կկազմի 77,5-80 տարի։