
Ռոբերտ Հովհաննիսյանը շախմատի Եվրոպայի անհատական առաջնությունում երկրորդ տեղում է

Հայաստանը ներկայացնող շախմատիստներից Ռոբերտ Հովհաննիսյանը շախմատի Եվրոպայի անհատական առաջնության առաջատարին զիջում է կես միավորով:
Շախմատի Եվրոպայի անհատական առաջնության 6-րդ տուրում Հայաստանից հաղթանակ տոնեցին Ռոբերտ Հովհաննիսյանը, Մանուէլ Պետրոսյանը: Միավորը կիսեցին Գաբրիել Սարգսյանը, Շանթ Սարգսյանը, Արամ Հակոբյանը, Էմին Օհանյանը, Էրիկ Գասպարյանը, Մամիկոն Ղարիբյանը:6-րդ տուրից հետո Ռոբերտ Հովհաննիսյանը 5 միավորով մրցաշարային աղյուսակում երկրորդ տեղում է: Առաջատարը 5,5 միավորով սերբ Ալեքսանդր Ինջիչն է:Շախմատի Եվրոպայի անհատական առաջնությունն անցկացվում է Մոնտենեգրոյում:
Մրցաշարը, որին մասնակցում է 170-ից ավելի շախմատիստ, բաղկացած է 11 տուրից և կեզրափակվի նոյեմբերի 19-ին: