Կիտրոններ «Միմոզա»
Բաղադրիչները՝
- 3 խոշոր կիտրոն
- 6 ձու
- 200 գ պահածոյացված թյունոս
- կես քաղցր կանաչ տաքդեղ
- կես քաղցր դեղին տաքդեղ
- 6-8 ձիթապտուղ
- 6 չերրի լոլիկ
Կիտրոնից մայոնեզի համար
- 1 դեղնուց
- 1 ճ/գ մանանեխ
- կես կիտրոնի հյութ
- 200 մլ ձիթապտղի յուղ
- աղ
Պատրաստման եղանակը
Կիտրոնները լավ լվացեք, կիսեք, գլխամասերը կտրեք, որպեսզի կիտրոնները հնարավոր լինի ափսեի մեջ դնել: Կիտրոնի կեսերից հեռացրեք միջուկը:
Կիտրոնի մայոնեզ պատրաստեք. հարեք ձուն, կաթիլ-կաթիլ ավելացրեք ձիթապտղի յուղը: Ապա ավելացրեք կիտրոնի հյութն ու մանանեխը, աղը:
6 ձուն եփեք, մաքրեք կեղևից, թողեք՝ հովանան: Սպիտակուցները մանր կտրատեք:
Քաղցր տաքդեղները մաքրեք սերմերից, մանր կտրատեք: Չերրի լոլիկները 4 մասի բաժանեք: Թյունոսը հանեք յուղից, անձեռոցիկով չորացրեք: Ձիթապտուղները մանր կտրատեք:
Խառնեք ձուկը, սպիտակուցները, տաքդեղները, չերրի լոլիկը, ձիթապտուղներն ու մայոնեզը: Խառնուրդը լցրեք կիտրոնի կեսերի մեջ: Ձվի դեղնուցը մանրացրեք, փշրեք խառնուրդով լցրած կիտրոնների վրա: Կիտրոնները 30 րոպեով տեղադրեք սառնարանում: Մատուցեք սառը վիճակում:
Խորհուրդ. Եթե կիտրոնները շատ թթու չեն, կարող եք նրանց միջուկը մանրացնել ու ավելացնել թունաձկան խառնուրդին:
