Ավտոբուսը Երևանի Մյասնիկյան պողոտայում բախվել է երկու ավտոմեքենաների․ տուժածներ չկան
![](https://168.am/wp-content/uploads/2024/08/imgonline-com-ua-convertS0sDDjZXK3LC.jpg)
ՀՀ ՆԳՆ փրկարար ծառայության Ճգնաժամային կառավարման ազգային կենտրոնն oգոստոսի 22-ին, ժամը 20.32-ին ահազանգ է ստացել, որ Երևանի Մյասնիկյան պողոտայում մեքենաներ են բախվել։
Ինչպես տեղեկացրին ՀՀ ներքին գործերի նախարարության ոստիկանությունից, դեպքի վայր են մեկնել ՆԳՆ ոստիկանության պարեկային ծառայության և Փրկարար ծառայության աշխատակիցներ։
Պարզվել է, որ Երևանի Մյասնիկյան պողոտայում բախվել են թիվ 42 երթուղին սպասարկող «Հունդայի» ավտոբուսը, «Ֆոլկսվագեն» ու «Բի-Ուայ-Դի» մեքենաները:
Ըստ նախնական տվյալների՝ տուժածներ չկան։