Լյուքսեմբուրգի Պատգամավորների պալատի նախագահը ելույթ կունենա Հայաստանի խորհրդարանում
Ազգային ժողովի նիստերի դահլիճում մայիսի 22-ին ելույթ կունենա Լյուքսեմբուրգի Մեծ Դքսության Պատգամավորների պալատի նախագահ Կլոդ Վիզլերը։ Մամուլի ասուլիսի ժամանակ այս մասին տեղեկացրեց Ազգային ժողովի նախագահ Ալեն Սիմոնյանը։
«Այսօր Ազգային ժողովում ականատես կլինենք Հայաստան-Լյուքսեմբուրգ հարաբերությունների բարձր մակարդակի մասին փաստող ևս մեկ իրադարձության։
Պարոն Վիզլերը ելույթ կունենա ազգային ժողովի նիստերի դահլիճում, ինչն աննախադեպ իրադարձություն է»,- ասաց Սիմոնյանը։
