ՀՀ էկոնոմիկայի նախարարն ու ԱՄԷ պետնախարարը քննարկել են տնտեսական հարաբերությունների ողջ շրջանակը
Աբու Դաբիում մայիսի 20-21-ն անցկացվել է ՀՀ-ԱՄԷ միջկառավարական համատեղ հանձնաժողովի 2-րդ նիստը։
Այս մասին «Ֆեյսբուք»-ի իր էջում գրել է ՀՀ էկոնոմիկայի նախարար Գևորգ Պապոյանը։
Հայկական կողմից նիստը նախագահել է ՀՀ էկոնոմիկայի նախարար Գևորգ Պապոյանը, իսկ էմիրաթական կողմից՝ ԱՄԷ պետնախարար Ահմեդ Ալի Այ Սայեղը։
«Հարգարժան գործընկերոջս հետ քննարկեցինք հայ-էմիրաթական տնտեսական հարաբերությունների խորացման հարցերի ողջ շրջանակը, եկանք կարևոր համաձայնությունների, որոնց շուրջ ստորագրեցինք փաստաթուղթ»,- գրել է Պապոյանը։
