Դուք չեք գտնելու գեթ մեկ ագրեսիվ ոստիկան, երբ այս իշխանության դիրքերը սկսեն սասանվել․ Վլադիմիր Մարտիրոսյան
ԵՊՀ «Եվրոպական ուսումնասիրությունների կենտրոնի ղեկավար, քաղաքական գիտությունների թեկնածու, դոցենտ Վլադիմիր Մարտիրոսյանը ֆեյսբուքյան իկր էջում, գրում է․ «Դուք չեք գտնելու այս իշխանության գեթ մեկ աջակից, երբ այս իշխանության դիրքերը սկսեն սասանվել: Դուք չեք գտնելու գեթ մեկ ագրեսիվ ոստիկան, երբ այս իշխանության դիրքերը սկսեն սասանվել: Դուք չեք գտնելու գեթ մեկ աշխարհաքաղաքական կենտրոն, որը կպաշտպանի այս իշխանությանը, երբ նրա դիրքերը սասանվեն:
Ոչ իր ֆեյքերը, ոչ իր «քաղ. թիմը», ոչ դասարանցին, ոչ էլ աշխարհի ուժեղները չեն պահելու, դա փլուզվող իշխանության աքսիոմա է:
Այս փուլում իշխանության փլուզումը սկսվելու է, ոչ միայն իշխանության վրա ճնշման արդյունքում փողոցից, այլ երբ իշխանության ներսում ևս սկսվի նրա ապալեգիտիմացումը: Դա անխուսափելիորեն հանգեցնելու է ռեսուրսների քայքայման, թ՛ե մարդկային և թ՛ե կադրային մակարդակներում և սկսվելու է կառավարելիության խորը ճգնաժամ: Սա արագ խորացնելու ձևերից մեկը նաև հանրային ընդվզման այդ թվում խաղաղ և լեգիտիմ ուժի կիրառման և ճնշման մեջ է,շարունակական ու համառ ճնշման, պերմանենտ աննահանջ ճնշման, այլ ոչ թե մեկ և հուժկու:
Այդ ամենը հանգեցնելու է ուժային կառույցների՝ «ոստիկանություն, դատախազություն, քննչական և հատուկ ծառայություններ» իշխանապաշտպան գործունեության արդյունավետության բացարձակ անկման:
Սասանման գաղտնիքը ընդդիմացողների համբերատար և փոքր հաղթանակների մեջ է, որը ձևավորում է լայն և նոր շրջանակների ներառում և ձնագունդ, երբ այն ձևավորվեց՝ դրա գլորվելը ինքնաբերաբար է լինելու:
P.S. Փոքր ու պերմանենտ հաղթանակներով»:
