«Նրանք, ովքեր չեն հասկանում ազգի տված ուղերձը, ի վերջո, պարտվում են». Իմամօղլու
Մարտի 31-ին Թուրքիայի տեղական ինքնակառավարման մարմինների (ՏԻՄ) ընտրություններում Ստամբուլի քաղաքապետ վերընտրված Էքրեմ Իմամօղլուն ստամբուլցիների հետ հանդիպում է ունեցել: Այս մասին տեղեկացնում է ermenihaber.am-ը։
Հանդիպմանն ունեցած ելույթում Իմամօղլուն շնորհակալություն է հայտնել բոլոր նրանց, ովքեր ընդունում են Ստամբուլի դաշինքի հայեցակարգը:
«Նրանք, ովքեր չեն հասկանում ազգի տված ուղերձը, ի վերջո, պարտվում են: Ստամբուլցիներն ինձ կատարողի, ժողովրդավարի, քաղաքապետի առաջադրանք են տվել: Ստամբուլցիների ինձ տված այս բոլոր առաջադրանքները ես ընդունում եմ որպես պատվեր»,-ասել է նա:
Նա նաև հավելել, որ այս ՏԻՄ ընտրությունների արդյունքները ուղերձ էին Թուրքիայի նախագահ Ռեջեփ Թայիփ Էրդողանին:
«Ստամբուլցիների ակնհայտ կամքով անպատճառ ձգձգված բոլոր ստորագրությունները պահ առաջ պետք է դրվեն: Կենտրոնական կառավարությունը չպետք է անտեսի տեղական իշխանություններին»,- հայտարարել է Իմամօղլուն, ապա նաև Ստամբուլի ՏԻՄ ընտրություններում տարած հաղթանակը որակել որպես ստամբուլցիների կողմից ուղերձ՝ իրենց մրցակիցներին:
