Վրացական միջանցքով բեռնափոխադրումներից ստացված եկամուտն աճել է

2024 թվականի հունվար-փետրվար ամիսներին Վրաստանի տրանսպորտային միջանցքով բեռնատարների տար անցումից եկամուտն աճել է։ Համաձայն համախմբված բյուջեի եկամուտների՝ 2024 թվականի հունվար-փետրվար ամիսներին տարանցումից Վրաստանը ստացվել է 27 մլն 190 հազար 864 լարի, իսկ 2023 թվականի նույն ժամանակահատվածում՝ 24 մլն 011 հազար 352 լարի։ Այս մասին գրում է aliq.ge-ն։

Ըստ այդմ՝ 2024 թվականի հունվար-փետրվար ամիսներին բյուջեում ճանապարհների օգտագործման վճարներից ստացված եկամուտները նախորդ տարվա նույն ժամանակահատվածի համեմատ աճել են 13.2 տոկոսով։

Առկա ֆինանսական ցուցանիշները վկայում են, որ 2024 թվականի հունվար-փետրվար ամիսներին Վրաստանի միջանցքը հատել է 77 հազար 688 բեռնատար, իսկ նախորդ տարվա նույն ժամանակահատվածում՝ 68 հազար 603 բեռնատար։

Ի դեպ, Վրաստանի սահմանին տրանզիտային բեռնատարների ճանապարհօգտագործման վճարը կազմում է 350 լարի. այս սակագինը գործում է 2022 թվականի հունիսի 20-ից։ Մինչ այդ վարորդները վճարում էին 200 լարի։