2024թ. հունվարին ուղղակի ներդրումները Թուրքիայում կազմել են 910 մլն դոլար
Ներդրողների միջազգային ասոցիացիան (YASED) Թուրքիայի կենտրոնական բանկի վճարային հաշվեկշռի վիճակագրության հանրայնացումից հետո հրապարակել է միջազգային ուղղակի ներդրումների մասին տեղեկագիրը: Այս մասին տեղեկացնում է ermenihaber.am-ը։
Ըստ «YASED»-ի՝ միայն 2024-ի հունվարին Թուրքիա մուտք գործած գումարների և կամ ուղղակի ներդրումների ընդհանուր ծավալը կազմել է 910 մլն դոլար, ինչը 2023-ի նույն ժամանակահատվածի համեմատ 20 տոկոսով ավելի է:
Նշված գումարից 399 մլն դոլարը կազմում է երկրի ներդրումային կապիտալին ավելացված գումարը, 415 մլն դոլարը՝ օտարերկրացիներին վաճառված անշարժ գույքի գումարը և 102 մլն դոլարը՝ տարաբնույթ պարտքերը:
