ԱՄՆ-ն և Հորդանանը Գազայի բնակիչներին սննդի հերթական խմբաքանակն են նետել օդից
Ամերիկյան ռազմատրանսպորտային ինքնաթիռը կիրակի օրը պարենի հերթական խմբաքանակն է նետել Գազայի հատվածի բնակիչներին: Այս մասին ՌԻԱ Նովստիի փոխանցմամբ հայտնել է ԱՄՆ Զինված ուժերի կենտրոնական հրամանատարությունը:
Պաղեստինյան անկլավի առավել մեկուսացված (հյուսիսային) հատվածի քաղաքացիական բնակչության համար մարդասիրական բեռ է տրամադրել Հորդանանը։
«Ամերիկյան C-130 – ը նետել է ավելի քան 11,5 հազար չափաբաժին պարենային մթերք, այդ թվում ՝ բրինձ, ալյուր, մակարոնեղեն, պահածոներ»,-ասված է մամուլի հաղորդագրության մեջ:
Նախօրեին Միջերկրական ծովի արևելյան հատված է մեկնել ամերիկյան ռազմանավ ՝ Գազայի հատվածի ափերի մոտ ժամանակավոր նավամատույցի կահավորման սարքավորումներով, որը թույլ կտա զգալիորեն ավելացնել Պաղեստինյան անկլավ մարդասիրական մատակարարումները:
