Մեկնարկել է Հայաստանի և Կիպրոսի ԱԳ նախարարների առանձնազրույցը
Կիպրոսի Հանրապետության արտաքին գործերի նախարար Կոնստանտինոս Կոմբոսը ժամանել է Հայաստանի Հանրապետության արտաքին գործերի նախարարություն:
Ինչպես տեղեկանում ենք ՀՀ ԱԳՆ-ի տարածած հաղորդագրությունից, նախարարությունում մեկնարկել է Հայաստանի արտաքին գործերի նախարար Արարատ Միրզոյանի հետ առանձնազրույցը:
Պաշտոնական այցով Հայաստանում է գտնվում Կիպրոսի Հանրապետության արտաքին գործերի նախարարը: Նախապես հայտարարվել է, որ առանձնազրույցին կհետևի արտգործնախարարների համատեղ մամուլի ասուլիսը:
