Միչիգանի դատարանը որոշել է, որ Թրամփը կարող է մասնակցել ԱՄՆ-ի նախագահական ընտրություններին
: ԱՄՆ Միչիգան նահանգի դատարանը վճռել է, որ ԱՄՆ-ի նախկին նախագահ Դոնալդ Թրամփը կարող է մասնակցել նախագահական ընտրություններին:
Այս մասին հայտնել է Associated Press գործակալությունը։
Գործակալության տվյալներով՝ ԱՄՆ-ի նախկին ղեկավարի անունը կմնա նահանգի նախնական քվեաթերթիկներում։ Դատավորը մերժել է այն փաստարկները, թե Թրամփի դերը Կապիտոլիումի վրա ձեռնարկված գրոհի մեջ սահմանափակում է նրա վերընտրվելու իրավունքները:
Ավելի վաղ ընտրություններին Թրամփի մասնակցությունը թույլ չտալու հայցերով նմանատիպ դատավարություններ են սկսվել Կոլորադոյում և Մինեսոտայում։ ԱՄՆ նախկին նախագահը դատական հայցերն անվանել է «միջամտություն ընտրություններին»։
2021 թվականի հունվարի 6-ին հանրապետական Թրամփի կողմնակիցները, որն այդ ժամանակ ԱՄՆ ղեկավարն էր, ներխուժել էին Կոնգրեսի շենք՝ իրենց բողոքն արտահայտելով երկրում 2020 թվականի նոյեմբերին կայացած նախագահական ընտրությունների արդյունքների վերաբերյալ։
Այդ ընտրություններում հաղթել էր դեմոկրատ Ջո Բայդենը։
