Թուրքիայի քաղաքացիներն ամենաշատը մտահոգված են սննդամթերքի թանկացմամբ
Թուրքական «ASAL» հետազոտական ընկերությունը երկրի տնտեսության վերաբերյալ հարցում է անցկացրել բնակչության շրջանում:
Հարցման մասնակիցները պատասխանել են այն հարցին, թե որն է Թուրքիայի տնտեսության ամենակարևոր խնդիրը: Հարցվածքների 30.5 տոկոսը ամենամեծ խնդիրը համարել է սննդամթերքի, 14.7 տոկոսը՝ բնական գազի, էլեկտրաէներգիայի և ջրի, իսկ 12 տոկոսը՝ վարձակալության, բնակարանի և մեքենաների թանկացումները:
Թուրքական մեդիայում հիշյալ սոցհարցման արդյունքները համարվել են «շշմեցնող»:
Նշենք, նաև որ վերջերս երկրում մեծ տեմպերով աճող ինֆլյացիան (գնաճ) առաջացրել է գնողունակության անկում և վերածվել Թուրքիայում կյանքի թանկացման գլխավոր պատճառի:
