Էրդողանն ասել է, որ թույլ չի տա, որ Արևմուտքը Թուրքիային ներքաշի Ռուսաստանի դեմ պատերազմի մեջ
Անկարայի ներկայիս կառավարությունը թույլ չի տա, որ Արևմուտքը երկիրը ներքաշի Ռուսաստանի դեմ պատերազմի մեջ, հայտարարել է Թուրքիայի նախագահ Ռեջեփ Թայիփ Էրդողանը Ahaber հեռուստաալիքին տված հարցազրույցում։
«Մենք թույլ չենք տա, որ մեր երկիրը ներքաշվի պատերազմի մեջ, սա մեր նախընտրական կարգախոսներից մեկն է»,- ասել է Էրդողանը։
Նրա խոսքով` վերջին երկու տարվա ընթացքում Անկարայի ջանքերը խանգարել են «արևմտյան ակումբին» երկիրը ներքաշել հակամարտության մեջ։
«Քանի դեռ մենք այստեղ ենք (իշխանության ղեկին), մենք դրան չենք նպաստի… Մեր նպատակն է լուրջ վճռականությամբ ջանքեր գործադրել և միջնորդի դեր խաղալ Ռուսաստանի և Ուկրաինայի միջև, որպեսզի նրանք ի վերջո հաջողության հասնեն»,- ընդգծել է Թուրքիայի ղեկավարը։
Թուրքիայում նախագահական և խորհրդարանական ընտրությունները նշանակված են մայիսի 14-ին։
