Ընդեղենով կոլոլակներ

Պահքի համար նախատեսված այս կոլոլակների բաղադրատոմսը Սոնիա Թաշչյանինն է

Բաղադրիչներ՝

Խմորի համար՝

• կարտոֆիլ 1/2 կգ

• մանր բլղուր 1/2 կգ

• լոլիկ-պղպեղի մածուկ 1 ճ/գ

• կարմիր և սև պղպեղ

• քիմիոն

• աղ

Միջուկի համար՝

• խաշած լոբի 1/2 բաժակ

• խաշած ոսպ 1/2 բաժակ

• խաշած սիսեռ 1/2 բաժակ

• թահին 1/2 բաժակ (քունջութի աղալուց ստացված մածուկ)

• 2 սոխ

• ձեթ 2 ճ/գ

• կանաչի

• կարմիր և սև պղպեղ

• քիմիոն

• աղ

Պատրաստման եղանակը՝

Նախ պատրաստել միջուկը՝ խառնել ընդեղենը, ավելացնել սոխառածը, թահինն ու համեմունքը, թողնել սառչի։

Պատրաստել խմորը՝ տաք կարտոֆիլի հետ խառնելով բլղուրը, ավելացնել մնացած բաղադրիչները և քիչ֊քիչ ջուր ավելացնելով շաղել, մինչև որ փափուկ, բայց ոչ կպչուն խմոր դառնա։

Խմորից վերցնել ընկույզի չափով, թեթևակի շաղել, փոսիկ անել, նատներով լայնացնել, ապա լցոնել միջուկով, փակել բերանը և կիտրոնի ձև տալ։

Տապակել առատ և տաք ձեթի մեջ։