Google-ն այլևս աշխատակիցներից չի պահանջի պատվաստվել COVID-19-ի դեմ
Ըստ Verge-ի՝ փետրվարի վերջին Google-ը մեղմացրել է ԱՄՆ-ի գրասենյակներում աշխատողների աշխատանքի անվտանգության արձանագրությունների պահանջները։ Այժմ պատվաստման պարտադիր պահանջ չկա։ Նաև պատվաստումների բացակայությունն այլևս մերժման պատճառ չէ ընկերության նոր աշխատակիցներին աշխատանքի ընդունելուց։
Google-ի ներկայացուցիչը պարզաբանել է, որ ընկերությունը կշարունակի պատշաճ կերպով ապահովել գրասենյակներում աշխատողների անվտանգությունը։ Նրանք պետք է շաբաթական մոլեկուլային թեստեր անցնեն, ինչպես նաև գրասենյակում դիմակ կրեն։ Նախկինում ցանկացած ոք, ով այցելում էր գրասենյակ, պետք է նման թեստ անցներ մինչ գալը։ Այժմ դա պետք է անեն միայն չպատվաստված աշխատողները։
Բացի այդ, Google-ը զգալիորեն մեղմացրել է իր քաղաքականությունը նախկինում չեղարկված գրասենյակային հարմարությունների վերաբերյալ: Ընկերությունը հայտարարեց, որ վերաբացում է մուտքը ֆիթնես կենտրոններ և մերսման սրահներ աշխատակիցների համար, վերսկսում է անձնակազմի փոխադրումները, բացում է բոլոր լրացուցիչ տարածքները, որտեղ աշխատակիցները կարող են անվճար նախաճաշել և ճաշել: Google-ը նաև ապաշրջափակել է գրասենյակների բոլոր ոչ պաշտոնական տարածքները՝ հանգստի գոտիները, խաղերը և երաժշտության սենյակները, ինչպես նաև վերադարձրել է անձնակազմի համար մերսման աթոռների հասանելիությունը: Այս միջոցներով ընկերությունը պատրաստվում է աշխատակիցների մեծ մասին վերադարձնել գրասենյակներ։
Ներկայումս Google-ի աշխատակիցների մեծ մասն աշխատում է հեռակա կարգով կամ հիբրիդային ռեժիմով։ Նախկինում ընկերությունը նախատեսում էր վերադառնալ մինչ COVID գործառնություններին 2022 թվականի հունվարի 10-ից, սակայն կորոնավիրուսի նոր շտամի տարածման պատճառով որոշեց հետաձգել վերադարձը որոշակի ժամկետով։
Դեկտեմբերի սկզբին Google-ը խոստացել էր փոխհատուցում տալ իր աշխատակիցներին ամբողջ աշխարհում՝ 1600 դոլարի չափով։ Ավելի վաղ՝ կորոնավիրուսային վարակի սրման ժամանակաշրջանում, Google-ը սպառնացել էր աշխատակիցներին զրկել աշխատավարձից, իսկ հետո աշխատանքից հեռացնել նրանց, ովքեր չեն պատվաստվել։
Ի տարբերություն Google-ի, 2021 թվականի հունիսին Facebook-ի (Meta) գործադիր տնօրեն Մարկ Ցուկերբերգը հայտարարեց, որ ընկերությունը թույլ կտա բոլոր լրիվ դրույքով աշխատողներին աշխատել տնից այնքան ժամանակ, քանի դեռ նրանք կարող են կատարել իրենց պարտականությունները հեռակա կարգով։ Սկզբում ընկերությունը հավատարիմ էր ավելի խիստ քաղաքականության՝ կապված հեռահար աշխատանքի հետ: Սակայն այժմ ինքը՝ Ցուկերբերգը, մտադիր է 2022 թվականի գոնե առաջին կեսն անցկացնել տանը, իսկ իր ընկերության համար նա հիբրիդային գրասենյակներ է պատրաստում՝ հեռահար աշխատանքի տարբերակով։ Ընկերության աշխատակիցների կեսից ավելին, իսկ դա մոտ 60 հազար մարդ է, տասը տարի կկարողանան աշխատել այս ռեժիմով։
«Վերջին մեկ տարվա ընթացքում մենք իմացանք, որ դուք կարող եք լավ աշխատել ցանկացած վայրում, և ես էլ ավելի լավատես եմ լայնածավալ հեռավար աշխատանքի հնարավորության հարցում, հատկապես, երբ հեռավար տեսագրությունը և վիրտուալ իրականությունը շարունակում են բարելավվել»,- կիսվել է Ցուկերբերգը իր մտքերով։
2021 թվականին Facebook-ը արշավ է սկսել՝ խրախուսելու աշխատակիցներին տեղափոխվել այլ երկրներ։ Այսպիսով, նա առաջարկում է ԱՄՆ-ից տեղափոխվել Կանադա, ինչպես նաև ցանկացած եվրոպական երկրից՝ Մեծ Բրիտանիա: Արդեն 2022 թվականի հունվարին Meta-ն թույլ կտա աշխատակիցներին մշտապես տեղաշարժվել Եվրոպայի, Մերձավոր Արևելքի կամ Աֆրիկայի յոթ երկրների միջև՝ նախապես այլ երկրից աշխատանքի թույլտվություն խնդրելով: Ճիշտ է, միևնույն ժամանակ, նրանց աշխատավարձերը կարող են իջնել, եթե պարզվի, որ տարածաշրջանն ավելի էժան է ապրելու համար: Ցուկերբերգը խոստանում է, որ թույլ կտա բոլոր աշխատակիցներին աշխատել հեռակա կարգով նույնիսկ համաճարակից հետո։ Նա կանխատեսում է, որ «հեռավոր» աշխատակիցները կարող են կազմել ընկերության աշխատուժի կեսը առաջիկա հինգից տասը տարիների ընթացքում:
Սիրարփի Աղաբաբյան
