Հուլիս 12, 2021

Իրավական ակտերի նախագծերի հրապարակման միասնական կայքից տեղեկանում ենք, որ «Պետական սահմանի մասին» ՀՀ օրենքում լրացում կկատարվի. ՀՀ պաշտպանության նախարարությունը նոր նախագիծ է շրջանառության դրել:

ՍԴ-ն շարունակում է ընտրությունների արդյունքների վիճարկման վերաբերյալ դիմումների քննությունը. ՈՒՂԻՂ

Հուլիսի 10-ին, ժամը 02։00-ի սահմաններում, Երասխ-Երևան ավտոմայրուղու 14-րդ կիլոմետրի հատվածում ՀՀ պաշտպանության նախարարության N զորամասի պայմանագրային զինծառայողը, իր կողմից վարած «Օպել Աստրա» մակնիշի ավտոմեքենայով բախվել է ՊՆ մեկ այլ զորամասի հաշվեկշռում գտնվող «Ուազ Պատրիոտ» մակնիշի ավտոմեքենային, ինչի հետևանքով վերջինը կողաշրջվել է։ Ավտոպատահարի հետևանքով 6 պայմանագրային զինծառայող, տարբեր մարմնական վնասվածքներով, հոսպիտալացվել է։ Հիվանդանոց տեղափոխվելու ճանապարհին զինծառայող Գրիգոր Գառնիկի Հարությունյանը մահացել է։ Կատարվում է նախաքննություն։

«Սա Ալիևի ծրագրերից մեկն է, որով ուզում է աշխարհին ցույց տա, թե Շուշին գրավել է։ Կոնկրետ այդ դեսպանները, որոնք այցելել են Շուշի, ապացուցում են, որ կողմ են եղել, որ Ադրբեջանը պատերազմ սկսի և օկուպացնի Արցախի մեծ մասը, այդ թվում՝ Շուշին։ Եթե այս այցելուները քրիստոնյա են եղել, ուրեմն՝ իրենց կողմից այդ այցը դավաճանություն է։ Այցին չեն մասնակցել Ռուսաստանի, Ֆրանսիայի և Միացյալ Նահանգների դեսպանները, նրանց քայլը շատ ճիշտ է, և դրանով ցույց են տալիս, որ կողմնակից չեն Ալիևի իրականացրած զավթողական քաղաքականությանը»,- 168.am-ի հետ զրույցում ասաց Արծվիկ Սարգսյանը։

Համաճարակային իրավիճակի բարելավմամբ պայմանավորված՝ հուլիսի 12-ից Հայաստանի բնակիչների համար Շվեդիա մուտքի արգելքը ամբողջությամբ կվերացվի։  Այս մասին տեղեկացնում է Շվեդիայի դեսպանությունը Երևանում: Նշվում է, որ Շվեդիա մուտքի արգելքից ազատումը նշանակում է, որ ցանկացած անձ, ով կացության իրավունք ունի Հայաստանում, կարող է դիմում ներկայացնել Շվեդիա մուտքի վիզա ստանալու համար։

Ռեժիսոր Դավիթ Բաբայանի «Կաֆկայի երազը» կարճամետրաժ անիմացիոն ֆիլմն ընդգրկվել է Կատալոնիայի հեղինակավոր SITGES (Սիտխես) ֆանտաստիկ ֆիլմերի միջազգային 54-րդ կինոփառատոնի մրցութային ծրագրի Anima’t՝ «Լավագույն անիմացիոն լիամետրաժ և կարճամետրաժ ֆիլմեր» բաժնում

Հայաստանի մայրաքաղաք Երևանը Ուկրաինական միջազգային ավիաուղիների ամենաճանաչված ուղղությունների հնգյակում է:  Այս մասին տեղեկացնում է AnalitikaUA.net-ը: Ուկրաինական միջազգային ավիաուղիներն ավելացնում է թռիչքների թիվն առավել ճանաչված միջազգային ուղղություններով՝ պայմանավորված պահանջարկի մեծացմամբ:

Յունիբանկը ընդլայնում է համագործակցությունը գերմանական KfW բանկի հետ և ՓՄՁ-ների համար սկսում է իրականացնել նոր վարկային ծրագիր:  Ծրագրի շրջանակում  մշակվել է  երկու վարկատեսակ՝  «Անգրավ ՄՓՄՁ» և «ՄՓՄՁ», որոնք թույլ կտան միջին, փոքր և միկրո ձեռնարկություններին  կապիտալ ներդրումների և ընթացիկ ծախասերի համար ստանալ վարկային միջոցներ:

Աֆղանստանից ԱՄՆ զորքերի դուրսբերմանը զուգահեռ՝ կտրուկ վատթարացել է անվտանգային միջավայրն Աֆղանստանում՝ կառավարական ուժերի և «Թալիբան» շարժման միջև բախումների պատճառով: Մասնավորապես, այն բանից հետո, երբ ԱՄՆ-ը հայտարարեց մինչև սեպտեմբերի 11-ն իր զորքերն Աֆղանստանից դուրս բերելու մասին, «Թալիբան» շարժումը սկսեց նոր տարածքներ գրավել։

ԱՀ ԱԺ նախագահ Արթուր Թովմասյանը hուլիսի 12-ին Երևանում հանդիպել է ՀՀ-ում ԱՀ կառավարության օպերատիվ շտաբի պետ Միքայել Վիրաբյանի հետ:

Արգիշտի Քյարամյանը նշանակվել է ՀՀ քննչական կոմիտեի նախագահ:

ԱԺ նախագահ Արարատ Միրզոյանի կարգադրությամբ, խորհրդարանում ստացել են հերթական պարգևավճարները։ Այս մասին 168.am-ը տեղեկացավ խորհրդարանի պաշտոնական կայքից։

2021 թ. ապրիլի 20-26-ը կայացած «Քիմիա» առարկայի Մենդելեևյան 55-րդ միջազգային օլիմպիադայում մրցանակային տեղեր գրաված աշակերտները կստանան անվանական կրթաթոշակ:

3-րդ զորամիավորման ենթակա զորամասերից մեկի Սուրբ Սարգիս մատուռում հուլիսի 11-ին նշվել է Հիսուս Քրիստոսի Պայծառակերպության՝ Վարդավառի տոնը։ 

Ընտրական գործընթացի ողջ ժամանակահատվածում՝ ընտրություններ նշանակելու օրվանից մինչև քվեարկության օրը, բերման է ենթարկվել 110 անձ:

Ռազմական գործողությունների ընթացքում զոհված և մինչ օրս անհետ կորած համարվող զինծառայողների (կամավորներ, պահեստազորայիններ, քաղաքացիական անձինք) աճյունների որոնումներն այսօր իրականացվել են Մարտունու շրջանի` Ադրբեջանի կողմից օկուպացված հատվածում։ Տեղեկությունը հայտնում է Արցախի ՆԳՆ արտակարգ իրավիճակների պետական ծառայությունը։

«Մեր ձկնային պաշարներն ամենակարևորը պետք է դիտենք երկու տեսանկյունից. առաջին՝ պետք է դիտենք սննդային շղթայի վերին օղակ, որը կարելի է օգտագործել՝ որպես հնարավորություն, Սևանա լճից օրգանական նյութի արտահանում: Եվ երկրորդ՝ Սևանա լճում պետք է ունենանք ձկան պաշար՝ ռազմավարական առումով: Այս գեոքաղաքական վիճակում զուրկ չենք այն պահերից, որ պատերազմ, շրջափակում է լինում, և սա կարող է լինել մեր փրկությունը՝ սննդի առումով, ինչպես նաև անհրաժեշտ է զորքի համար: Որսը կառավարելի չէ, մինչդեռ կառավարությունը պետք է որոշի, որ այսքան պաշար մշտապես պետք է լինի Սևանա լճում՝ ձկան ձևով»,- նշեց ՀՀ ԳԱԱ Կենդանաբանության և հիդրոէկոլոգիայի գիտական կենտրոնի տնօրենը:

Հաշվի առնելով այն հանգամանքը, որ օրեր առաջ մի շարք երկրների դեսպաններ այցելեցին թուրք-ադրբեջանական տեռորիստական ուժերի կողմից օկուպացված Արցախի Հանրապետության տարածքներ, մասնավորապես՝ Շուշի քաղաքը, խնդրում եմ հայտնել հետևյալը.

«Մենք այս ընտրությունների ժամանակ հարուցել ենք նույնքան վարույթ, ինչքան անցած 7 համապետական ընտրությունների ժամանակ». ՀՌԱՀ նախագահ:

Փոխոստիկանապետ Արա Ֆիդանյանը՝ ՍԴ-ում ընտրությունների արդյունքները վիճարկելու դիմումների մասին:

Թուրքիայում ապօրինի փախստականներ տեղափոխող ավտոբուս է վթարվել։ Ավտոբուսը Վանի Մուրադիե շրջանում դուրս է եկել ճանապարհի երթևեկելի մասից ու կողաշրջվել։ 

Հուլիսի 9-ին, ժամը 21.30-ին, Երևանի Արշակունյաց պողոտայի և Գր. Լուսավորչի փողոցի խաչմերուկում «Հունդաի» մակնիշի ավտոմեքենայի վարորդը վրաերթի է ենթարկել 20-ամյա քաղաքացու, որը մարմնական վնասվածքներով տեղափոխվել է հիվանդանոց:

ՀՀ քննչական կոմիտեի հատկապես կարևոր գործերի քննության գլխավոր վարչությունում քննություն է տարվում՝ պարզելու Գորիսի համայնքապետարանում հայտնաբերված առերևույթ չարաշահումների բոլոր հանգամանքները պարզելու ուղղությամբ:

Նիկոլ Փաշինյանը ՀՀ կառավարության ներկայացուցիչ նշանակելու մասին որոշում է ստորագրել:

Այսօր ժամը 14:00-ից Մեղրի համայնքի նախկին ղեկավար Մխիթար Զաքարյանի  մասնակցությամբ քննչական գործողություններ են տեղի ունեցել ՀՀ քննչական կոմիտեի շենքում: Հիշեցնենք՝ ավելի վաղ Զաքարյանի փաստաբան Երեմ Սարգսյանը հայտնել էր, որ Ոստիկանության բարձրաստիճան պաշտոնյաների հետ բանավոր պայմանավորվածության համաձայն՝ Մեղրիի նախկին համայնքապետն այսօր գիշերը ժամը 00:00-ին պետք է ներկայանար ՀՀ ոստիկանության 6-րդ վարչություն: Մխիթար Զաքարյանն իր փաստաբանի ուղեկցությամբ ինքնակամ ներկայացել էր, սակայն, ինչպես հայտնում է փաստաբանը, ոստիկանները սկզբում «ձևացրել են», թե տեղյակ չեն՝ իրենք ինչո՞ւ եկել, և առաջարկել են սպասել, մինչև ճշտեն:

Սյունիքի մարզի Տեղ համայնքի ղեկավար Ներսես Շադունցը, թեև «Վերածնվող Հայաստան» կուսակցության անդամ չէ, որի անդամներից շատերին այս օրերին բերման են ենթարկում, սակայն չի բացառում, որ նմանատիպ գործողություն նաև իր նկատմամբ լինի, օրինակ՝ ձերբակալեն։

Հայաստանում կորոնավիրուսի դեմ պատվաստվել են հայ մեծանուն բանաստեղծ Եղիշե Չարենցի դուստրը՝ Անահիտ Չարենցը և թոռնուհին՝ Գոհար Չարենցը:

Անմիջական մթնոլորտում ծավալված զրույցների ընթացքում պետական նախարարը լսել է բնակիչների առաջարկները և պատասխանել նրանց հարցերին, որոնք վերաբերում էին Արցախի անվտանգային ու արտաքին քաղաքական զարգացումներին, սոցիալ-տնտեսական ծրագրերին ու տվյալ գյուղերի հիմնախնդիրներին: Նա տեղում տվել է որոշ հանձնարարականներ՝ խոստանալով ուշադրության ներքո պահել ներկայացված հիմնախնդիրների լուծման ընթացքը:

Հուլիսի 10-ին, ժամը 17։51-ին Տավուշի մարզային ճգնաժամային կառավարման կենտրոն ահազանգ է ստացվել, որ Թեղուտ գյուղի «Հաղարծին» վանական համալիրի մոտակայքում քաղաքացի է ընկել փոսի մեջ. անհրաժեշտ է փրկարարների օգնությունը:

Հուլիսի 12-ի ցերեկը, 17-ին սպասվում է առանց տեղումների եղանակ: Հուլիսի 13-ի երեկոյան ժամերին, 14-16-ը սպասվում է կարճատև անձրև և ամպրոպ, ամպրոպի ժամանակ՝ քամու ուժգնացում 15-20 մ/վ: