Ադրբեջանն ավարտել է դեպի Հայաստան ռուսական գազի տրանզիտը
SOCAR պետական գազային ընկերությունն ավարտել է Ադրբեջանի տարածքով դեպի Հայաստան ռուսական գազի մատակարարումը:
Այս մասին, հղում կատարելով РИА Новости-ին, տեղեկացնում eadaily.com-ը՝ նշելով, որ գործընթացն ավարտվել է ապրիլի 14-ին:
Մարտի 17-ին «Գազպրոմ էքսպորտը» հայտնեց, որ ռուսական ընկերությունն ու SOCAR-ը ստորագրել են կարճաժամկետ պայմանագիր՝ Ադրբեջանի տարածքով ռուսական գազի մատակարարման վերաբերյալ:
«Պայմանագիրը նախատեսում է, որ «Հյուսիսային Կովկաս-Անդրկովկաս» երկաթուղային գազամուղի ռուսական հատվածում պլանային-նախազգուշական վերանորոգման աշխատանքների ժամանակ գազը սպառողներին պետք է հասնի Ադրբեջանի տարածքով մինչև Վրաստանի սահման»,- ասվում էր «Գազպրոմ էքսպորտի» հաղորդագրության մեջ:
Ընկերությունը պարզաբանել է, որ վերանորոգման աշխատանքները կարող են տևել մինչև 3 շաբաթ, ինչից հետո ռուսական գազը կմատակարարվի նախկին երթուղով՝ Ռուսաստանի և Վրաստանի սահմանով:
Հրապարակման պատրաստեց 168.am-ը
