Instagram-ը թույլ կտա ձեզ անջատել հավանումների հաշվիչները
Մեկ այլ փորձ, որը պետք է օգնի օգտվողներին չմտահոգվել լուսանկարների հավանումների քանակով:
Instagram-ի ղեկավար Ադամ Մոսերին խոսել է սոցցանցում հավանումների հաշվիչը անջատելու փորձի մասին, որը սկսվել էր դեռ 2019 թվականից: Ընկերությունը պատահականորեն թաքցրել է հավանումների քանակը լուսանկարի և տեսանյութի վրա՝ այն տեսնում էր միայն գրառման հեղինակը:
Ըստ Մոսերիի, փորձի արդյունքները խառն էին, ուստի ընկերությունը որոշեց գնալ այլ ճանապարհով: Այժմ Instagram-ը չի ցանկանում բոլորի համար անջատել լայքերը, այլ ավելի շուտ ընտրության հնարավորություն տալ: Անձը կկարողանա ինքնուրույն որոշել՝ արդյո՞ք իր գրառումների հավանումների քանակը ցույց կտա այլ մարդկանց, և արդյո՞ք ինքը ցանկանում է հավանումներ տեսնել այլ օգտվողներից:
Սոցիալական ցանցը չի պատրաստվում լիովին հրաժարվել լայքերից, այլ միայն այս հաշվիչը թաքցնել: Այսպիսով, ենթադրաբար, մարդիկ կդադարեն անհանգստանալ, որ իրենց լուսանկարները չեն հետաքրքրում մարդկանց կամ բավարար ուշադրություն չեն գրավում: Միևնույն ժամանակ, բլոգերներն ու ապրանքանիշերը կկարողանան շարունակել գովազդատուների համար դիտումներ, հավանումներ և այլ վիճակագրություններ տարածել:
Ադամ Մոսերին չի նշել, թե երբ Instagram-ի օգտվողները կկարողանան անջատել լայքերը: Նախ այս հատկությունը կիրականացվի որպես փորձ՝ օգտագործողների նեղ շրջանակի համար:
Սիրարփի Աղաբաբյան
