Ապօրինի ծառահատում՝ «Դիլիջան ազգային պարկում»
Դեկտեմբերի 23-ին ոստիկանության Դիլիջանի բաժնում տեղեկություններ ստացվեցին, որ Կամարինի փողոցի 30-ամյա մի բնակիչ «Դիլիջան ազգային պարկում» բոխի է ապօրինի հատել:
Տեղեկությունների իսկությունը ստուգելիս ոստիկաններն ազգային պարկի «Շամախյան» տեղամասում հայտնաբերեցին ոչ միայն կտրված բոխու թաց կոճղը, այլև կասկածյալի «ՈւԱԶ» մակնիշի մեքենան, որի հետնամասում ծառից ստացված փայտանյութն էր:
Մեքենան, վառելափայտով հանդերձ, տեղափոխվել է ոստիկանության Դիլիջանի բաժնի հատուկ պահպանվող տարածք:
Նշանակվել է մասնագիտական ստուգում, վնասի չափը պարզվում է:
Փաստի առթիվ նախապատրաստվում են նյութեր:
