ԱՄՆ-ն թույլատրել է կորոնավիրուսի դեմ Moderna-ի պատվաստանյութի կիրառումը
Առաջիկա օրերին ԱՄՆ-ում կարող է տարածվել COVID-19-ի դեմ պատվաստանյութի շուրջ 6 մլն դեղաչափ. ԱՄՆ Սննդի և դեղորայքի որակի սանիտարական հսկողության վարչությունը հաստատել է աշխարհահռչակ հայ գործարար Նուբար Աֆեյանի հիմնադրած Moderna ընկերության՝ COVID-19-ի դեմ պատվաստանյութը: Այս մասին տեղեկացնում է «Ամերկայի ձայնը»:
Սա երկրորդ պատվաստանյութն է, որը հաստատվել է ԱՄՆ-ում օգտագործման համար: Սրանից առաջ հաստատվել էր Pfizer- ի և BioNTech-ի պատվաստանյութը:
FDA- ն հաստատել է պատվաստանյութը փորձագետների անկախ խմբի կողմից առաջարկություն կատարելու հաջորդ օրը: Պատվաստանյութի փորձարկումներին մասնակցել է 30 հազար կամավոր, արդյունավետությունը կազմել է 95 տոկոս: Այս պատվաստանյութով կատարվում է երկու դեղաչափ ներարկում, երկրորդը՝ առաջինից 28 օր անց:
Moderna- ն աշխատում է ԱՄՆ դաշնային կառավարության հետ ՝ առաջիկա օրերին 5,9 միլիոն պատվաստանյութերի դոզան բաժանելու համար: Համաձայնագիր է ստորագրվել այս տարի 20 միլիոն դոզան մատակարարելու մասին, իսկ 200 միլիոն դոզան `2021 թվականի հունիսի վերջին:
