ՀՀ ԱԱԾ-ն զգուշացնում է ադրբեջանական հեռախոսահամարներից ապատեղեկատվություն տարածման վտանգի մասին

ՀՀ ազգային անվտանգության ծառայությունը զգուշացնում է բջջային հեռախոսներին ադրբեջանական համարներից ապատեղեկատվություն տարածման վտանգի մասին։ Այս մասին նշված է ՀՀ ԱԱԾ մամուլի կենտրոնի տարածած հայտարարության մեջ։

«Հարգելի՛ հայրենակիցներ,

Ադրբեջանցիների կողմից ապատեղեկատվություն տարածելու և բնակչության շրջանում խուճապ առաջացնելու նպատակով հնարավոր է անծանոթ բջջային հեռախոսահամարներից ստանաք SMS-հաղորդագրություններ մեր զինծառայողների և խաղաղ բնակչության շրջանում զոհերի, ինչպես նաև զինտեխնիկայի և տարածքների կորուստների վերաբերյալ:

Հետևե՛ք միայն պաշտոնական լրահոսին»,- հորդորում է ՀՀ ԱԱԾ-ն: