Ferrari-ն նոր շքեղ ավտոմեքենա է ներկայացրել

Իտալական Ferrari ընկերությունը ներկայացրել է 2017 թվականի մոդելի նորացված կուպե-կաբրիոլետ Ferrari Portofino M-ը, որն իր հերթին՝ պատրաստվել է California մոդելից: Սուպերքարը ստացել է վարման հինգ ռեժիմ, գրում է Car Buzz-ը:

Ավտոմեքենայի շարժիչի ընդհանուր հզորությունը 612 ձիաուժ է:

Ինժեներները պինդ մասնիկների զտիչ են ավելացրել՝ ժամանակակից բնապահպանական կանոնակարգերը բավարարելու համար:

Սուպերքարը ստացել է նաև վարելու նոր ռեժիմներ, որոնք միացված են ղեկի վրա գտնվող ընտրիչի միջոցով: Նախկինում կար երեք ռեժիմ (Comfort, Sport և ESC Off), այժմ՝ հինգ (ավելացված են անձրևային Wet-ը և էքստրեմալ Race-ը):

Ferrari Portofino M-ի առավելագույն արագությունը ժամում ավելի քան 320 կիլոմետր է:

Փոփոխված մեքենաների վաճառքը կսկսվի 2021 թվականի գարնանը: Ավտոմեքենայի գինը կկազմի 206 հազար եվրո:

Պատրաստեց Անի Գաբուզյանը