ԱՀԿ-ն չի բացառում կորոնավիրուսով կրկնական վարակման հնարավորությունը
Առողջապահության համաշխարհային կազմակերպությունը (ԱՀԿ) չի բացառում, որ կորոնավիրուսով կարելի է կրկին վարակվել, սակայն հորդորում է հապճեպ եզրակացություններ չանել: Օգոստոսի 24-ին այդ մասին հայտարարել է ԱՀԿ-ի փորձագետ Մարիա վան Քերքհովեն՝ մեկնաբանելով այն տեղեկատվությունը, որ Հոնկոնգում կրկնական ախտահարման դեպք է հայտնաբերվել։
«Բացառված չէ, որ կրկնական ախտահարում կարող է տեղի ունենալ,- նշել է նա:- Սակայն հարկ չկա իսկույն եզրակացություններ անել: Այլ կորոնավիրուսներից մենք գիտենք, որ իմունիտետը պահպանվում է ինչ-որ ժամանակի ընթացքում: Առայժմ տեսնում ենք, որ հիվանդությունը տարած մարդկանց մոտ իմունիտետ կա: Սակայն հետազոտությունները, որոնք այդ թվում վերաբերւմ են չեզոքացնող ռեակցիաներին, շարունակվում են»:
