Մալիում խռովարարներն ընտրել են «Ժողովրդի փրկության ազգային կոմիտե»-ի առաջնորդին
Գնդապետ Ասիմի Գոյիտան նշանակվել է «Ժողովրդի փրկության ազգային կոմիտե»-ի առաջնորդ: Այս մասին հայտնում է ՌԻԱ Նովոստին, հղում անելով EFE գործակալությունը:
Կոմիտեն ստեղծվել է խռովարարների կողմից, որոնք երկրի նախագահին ստիպել են հրաժարական ներկայացնել և լուծարել խորհրդարանն ու կառավարությունը:
Գոյիտան մեկն է այն զինվորականներից, որոնք օգոստոսի 17-ին ազգային հեռուստաընկերության եթերում հայտարարել են խռովության մեկնարկի մասին: Մինչ խռովության սկիզբը, Գոյիտան ղեկավարել է Մալիի կենտրոնական հատվածի հատուկ պատրաստության վաշտը:
