Լուսանկարների խմբագրման լավագույն հավելվածները Android-ի և iOS-ի համար

Օգտագործեք տեսախցիկի թաքնված հատկությունները և խմբագրեք նկարները` օգտագործելով այս ծրագրերը:

11 հավելված՝ ձեր լուսանկարների որակը iPhone-ում բարձրացնելու համար։

1. Adobe Lightroom

Լուսանկարչական լաբորատորիա Ձեր գրպանում: Adobe Lightroom-ը կարող է լավ ծառայել ինչպես նկարահանման, այնպես էլ շրջանակների մշակման համար: Ներկառուցված տեսախցիկը թույլ է տալիս կարգավորել ազդեցությունը, ընտրել տարբեր լուսավորման ռեժիմներ: Պատրաստի պատկերների համար ծրագիրը պարունակում է նաև բազմաթիվ գործառույթներ՝ գույների, լույսի և տեսողական այլ պարամետրերի կառավարման համար։

Ամսական 5 դոլարով բաժանորդները ստանում են շատ լրացուցիչ հնարավորություններ: Օրինակ` նրանք կարող են խմբագրել RAW ֆայլերը, կատարել կետային խմբագրումներ և հարմարեցնել ֆոնը։

2. Focos

Focos-ը մասնագիտանում է այնպիսի հեռանկարային ոլորտում, ինչպիսին է հաշվարկային լուսանկարչությունը: Ծրագիրը օգտագործում է բարդ ալգորիթմներ՝ թանկարժեք ոսպնյակների հատկությունները սիմուլյացնելու համար: Արդյունքում, դուք կարող եք ստանալ, օրինակ, նորաձև bokeh էֆեկտ նույնիսկ հին iPhone-ով։ Պետք է նկատի ունենալ, որ գործառույթների զգալի մասը վճարովի է:

3. Photoshop Express

Photoshop-ի բջջային տարբերակը մշակվել է նկարի արագ մշակման հիման վրա: Եվ ծրագիրը հիանալի կերպով կատարում է այս առաջադրանքը: Ծրագրում դուք կգտնեք ռետուշինգի հիմնական գործիքներ, կոլաժներ պատրաստելու գործիք, ինչպես նաև տարբեր գործառույթներ` էֆեկտներ, պիտակներ և շրջանակներ: Ընդհանուր առմամբ, կարող եք ստածել այն ամենը, ինչ Ձեզ հարկավոր է՝ պայծառ, զվարճալի բովանդակություն` միանգամից և տեղադրել այն սոցիալական ցանցերում:

4. VSCO

Այս ծրագիրը հայտնի է դարձել նորաձև ֆիլտրերի հավաքման շնորհիվ: Եթե կարոտում եք Instagram-ի առանձնահատկությունները, փորձեք VSCO-ն: Ճիշտ է, ֆիլտրերի մեծ մասի համար պետք է վճարել: Ծրագրի անվճար տարբերակը պարզ լուսանկարների և վիդեո խմբագիր է, ինչպես նաև սոցիալական պլատֆորմ` սեփական աշխատանքը մյուս լուսանկարիչներին ցուցադրելու համար:

5. Snapseed

Ամբողջական նկարները փոխակերպող պարզ ավտոմատացված պարամետրերը միշտ չէ, որ բավարար են: Նման իրավիճակներում այս խմբագիրը կարող է հարմար լինել: Snapseed-ը թույլ է տալիս կարգավորել պատկերի առանձին մասերը։

6. Enlight Pixaloop

Pixaloop-ը օգնում է զարմացնել բաժանորդներին կամ ընկերներին «վերածնված» լուսանկարներով: Այս ծրագրի միջոցով հեշտ է անիմացիայի վերածել ջուրը, կրակը, ծուխը, գործվածքները, ամպերը և նկարում պատկերված այլ առարկաներ:

7. Enlight Quickshot

Այս հավելվածը շտկում է դինամիկ նկարահանումների բնորոշ խնդիրները, երբ լուսանկարի հեղինակը կամ շրջանակի օբյեկտները ճիշտ դիրքում չեն: Ծրագիրը բարելավում է վատ լուսավորությունը և հավասարեցնում է հորիզոնը: Արդյունքում, ստացվում է ժամանակակից էֆեկտ՝ շարժվող տարրերով։

8. Pro Camera by Moment

Այս հավելվածը հարմար է այն մարդկանց համար, ովքեր ցանկանում են առավելագույն օգուտ ստանալ իրենց տեսախցիկից և պատրաստ են շատ ժամանակ ծախսել պարամետրերը հարմարեցնելու համար: Pro Camera-ով կարող եք նկարներ RAW ձևաչափով:

9. Facetune2: Best Selfie Editing

Facetune2 լուսանկարների խմբագիրը կենտրոնացած է ռետուշ էֆեկտների վրա։ Դա կօգնի վերացնել մաշկի թերությունները, սպիտակեցնել ատամները, շեշտել աչքերի արտահայտվածությունը և նույնիսկ փոխել դեմքի անհաջող արտահայտությունը: Անփոխարինելի հավելված՝ սելֆիի սիրահարների համար:

10. Prisma Photo Editor

Prisma-ն օգտագործում է նեյրոնային ցանցեր`հայտնի արվեստագետների նկարներով լուսանկարները ոճավորելու կամ պարզապես անսովոր տեսողական հատկություններ ավելացնելու համար:

11. PicsArt

Հայկական բազմաֆունկցիոնալ խմբագիր, որը կարող է աշխատել ինչպես լուսանկարների, այնպես էլ տեսանյութերի հետ: Ներսում դուք կգտնեք շատ ավտոմատացված գործիքներ` թերությունները ուղղելու, կտրելու, պտտելու, չափերը փոխելու և կոլաժներ ստեղծելու համար: Բացի այդ, խմբագրին բացակայում են բոլոր տեսակի դեկորատիվ տարրերը` պիտակներ, շրջանակներ, շատ և անընդհատ թարմացող ֆիլտրեր: Բայց դրանք առանց սահմանափակումների օգտագործելու համար հարկավոր է բաժանորդագրվել:

Android-ի դեպքում ծրագրերը հաճախ կրկնվում են։ Վերը նշված ծրագրերից Android-ի համար հարմար տարբերակներ են՝

• Snapseed
• Photoshop Express
• Adobe Lightroom
• VSCO
• PicsArt
• Facetune2
• Pixaloop
• Prisma

Android-ի համար լավ տարբերակներ են նաև՝

1․ Canva

Canva-ն յուրաքանչյուր օգտագործողին հնարավորություն է տալիս զգալ իրեն դիզայներ: Ծրագիրը առաջարկում է բազմաթիվ ձևանմուշներ, տառատեսակներ, պատկերներ և գրաֆիկական այլ տարրեր, որոնք կարող են ձեր լուսանկարները վերածել նորաձև պատմությունների։

Ձևանմուշների մեծ մասը հասանելի են նաև անվճար։

2․ FaceApp

Նույնիսկ եթե դուք երբեք FaceApp չեք օգտագործել, միևնույն է, դրա մասին պետք է որ լսած լինեք: Այս օրերին համացանցում շատ են տարածվում նկարներ, որոնք փոփոխված են՝ ծերացած կամ փոխակերպված։

Փաստն այն է, որ FaceApp-ն օգտագործում է բարդ ալգորիթմներ՝ շատ համոզիչ կերպով փոխելով մարդկանց տեսքը նկարներում: Կարող եք փորձել այս խմբագրիչը, եթե ցանկանում եք պարզապես զվարճանալ:

3․ TouchRetouch

Այս խմբագրիչը օգնության կգա, եթե ձեզ հարկավոր է արագ և արդյունավետորեն հեռացնել ամեն ավելորդ բան նկարից։ Ծրագիրը վճարովի է, բայց իր կատեգորիայում այն լավագույններից մեկն է:

4․ Pixlr

Pixlr-ը համատեղում է լուսանկարների ճշգրտման հիմնական առանձնահատկությունները տարբեր ծածկույթների, էֆեկտների, ձևանմուշների և պիտակների հարուստ փաթեթի հետ: Նաև հավելվածի մեջ կա կոլաժի հարմար դիզայներ։

Սիրարփի Աղաբաբյան