Xiaomi սմարթֆոնները կթանկանան
Xiaomi-ն հայտարարել է իր սմարթֆոնների գների հնարավոր բարձրացման մասին հաջորդ տարի՝ հիշողության չիպերի գնի կտրուկ աճի պատճառով: Այս մասին հաղորդում է Reuters-ը։
Ըստ ընկերության նախագահ Լու Վեյբինգի՝ գների բարձրացումը պայմանավորված է հիշողության չիպերի շուկայում ստեղծված իրավիճակով, որտեղ բաղադրիչների գները զգալիորեն բարձրանում են։ Նա նշել է, որ արտադրողների վրա ճնշումը հաջորդ տարի զգալիորեն ավելի մեծ կլինի, քան այս տարի, ինչը անխուսափելիորեն կազդի մանրածախ գների վրա։
«Ես կարծում եմ, որ հաջորդ տարի ճնշումը շատ ավելի մեծ կլինի, քան այս տարի։ Ընդհանուր առմամբ, սպառողները, հավանաբար, կնկատեն մանրածախ գների զգալի աճ։ Ճնշման մի մասը կարող է մեղմվել գների բարձրացման միջոցով, բայց դա բավարար չի լինի»,- ասել է Xiaomi-ի ավագ ղեկավարը։
