Տարեցները թունավորվել են․ սոցապնախարարությունը խուճապի մեջ է. Yerevan․Today
Թունավորվել են սոցապնախարարության ծերանոցի՝ Աղավնաձորում պահվող տարեցներն ու նրանց սպասարկող անձնակազմը։ Պատճառը, ըստ նախնական տվյալների, երեկ երեկոյան պատվիրված սնունդն է եղել։
Այս մասին տեղեկացնում է նախարարության Yerevan․Today-ի աղբյուրը՝ հայտնելով, որ խնամյալ տարեցներին չեն տեղափոխել Երևան՝ հավանաբար աղմուկից խուսափելու համար։ Այսինքն, թունավորումից տուժածները բժշկում են տեղում։ Նախարարությունում խուճապի մեջ են։
Փորձեցինք կապ հաստատել պանսիոնատի աշխատանքները համակարգող տնօրեն Հարութ Բաբայանի հետ՝ տարեցների վիճակից տեղեկանալու համար, սակայն մեր զանգերն անպատասխան մնացին։ Անպատասխան մնացին մեր՝ ախատանքի և սոցիալական հարցերի նախարարություն զանգերը։
Ո՞ւմ պարզունակ հաշվարկն է սկանդալից խուսափելու համար թունավորվածներին հիվանդանոց չտեղափոխելը՝ կպարզենք տեղում։ Մինչ այդ տեղեկացնենք՝ սա այն պանսիոնատն է, որն արհեստական մոտիվացիայով կառավարությունը հատկացրեց Սոցապ նախարարությանը, որ, իբր, ժամանակավոր հանգրվան դառնա կորոնայից բուժված ծերանոցների շահառուների համար։
Մանրամասները՝ սկզբնաղբյուր կայքում:
