«Թվում է՝ «Ռեալը» պետք է շնորհակալություն հայտնի մրցավարներին լիդերության համար»․ Ռամոս
Մադրիդի «Ռեալի» պաշտպան Սերխիո Ռամոսը կիսվել է տպավորություններով «Մալյորկային» հաղթելուց հետո (2։0) և պատասխանել է Ջերարդ Պիկեի քննադատությանը, ով ակնարկում էր, որ մրցավարները շատ են օգնում մադրիդյան ակումբին։
«Մեր շրջապատի բոլոր կեղծիքները բնական են: Ամեն ինչ պայմանավորված է նրանով, որ մենք առաջատարն ենք, մինչ այդ նրանք շատ չէին խոսում մեր մասին:
Չեմ կարծում, որ մրցավարները որոշում կայացնում են որևէ առանձնահատուկ ձևով: Թվում է, թե մենք պետք է շնորհակալություն հայտնենք մրցավարներին լիդերության համար: Մարդիկ պետք է ավելի քիչ հորինեն:
Իմ գոլերը կայունության պարգատրում են՝ այս ամբողջ տարիների քրտնաջան աշխատանքի համար: Ես գոհ եմ:
Այսօր թիմն իրեն հոգնած էր զգում, քանի որ մենք խաղում ենք երեք օրը մեկ: Մենք աճելու տեղ ունենք: Մենք լիովին բավարարված չենք մեր խաղով, որոշ տեսանկյունից էլ եղել են դժվարություններ»,- ասել է Ռամոսը:
Սիրարփի Աղաբաբյան
