«Մարդիկ սպասում էին նոր Կրիշտիանուի: Ես ավելի պատասխանատու էի դարձել»․Նանի
«Օրլանդո Սիթիի» կիսապաշտպան Նանին կիսվել է 2009 թվականին հարձակվող Կրիշտիանու Ռոնալդուի «Մանչեսթեր Յունայթեդից» հեռանալու մասին հիշողություններով:
«Ես ինքս ինձ թույլ չտվեցի ազդվել: Նրա հեռանալուց հետո ես ավելի պատասխանատու դարձա «Մանչեսթերում»: Սկզբում դա մի փոքր բարդ էր: Մեզ համեմատում էին շատ: Թվում էր, թե ամեն անգամ պետք է ապացուցեի բոլորին, անեի նույնը և խաղայի Կրիշտիանուի նման։
Երբ հասնում ես մարզադաշտ, բոլոր երկրպագուները սիրում են քեզ, քանի որ քո մեջ այլ բան են տեսնում: Նրանց դուր է գալիս այս տարբերությունը, բայց մտքում ինչ-որ կերպար կերտելուց հետո նրանց անհրաժեշտ է նոր Կրիշտիանու: Այդ պահերին մի փոքր դժվար էր, բայց շատ արագ սովորեցի պաշտպանվել և շեղվել դրանից»,- ասել է Նանին:
Սիրարփի Աղաբաբյան
