Մեքսիկայում «կորոնավիրուսային» կարկուտ է եկել
Մեքսիկական Նուևո-Լեոն նահանգում արտասովոր ձևի կարկուտ է եկել: Դրանք ունեցել են կորոնավիրուսի ձև: Տեղի բնակիչները որոշել են, որ այդպես «Աստված հիշեցնում է մարդկանց մնալ տանը» կորոնավիրուսային համաճարակի ընթացքում, գրում է Daily Mail-ը:
Կորոնավիրուսի ձև ունեցող կարկուտի լուսանկարները հայտնվել են համացանցում:
Պատկերներն ուսումնասիրել է Համաշխարհային օդերևութաբանական կազմակերպության մասնագետ Ժոզե Միգել Վինասը: Ըստ նրա՝ անսովոր ոչինչ չկա:
«Սաստիկ փոթորիկների ժամանակ տարբեր չափերի կարկտահատիկները միմյանց հարվածելիս ճեղքվում և կպչում են՝ առաջացնելով տարբեր ձևեր»,- պարզաբանել է փորձագետը:
Պատրաստեց Անի Գաբուզյանը
