Թուրքիայի երիտասարդների 62 տոկոսը ցանկանում է ապրել արտերկրում
Թուրքիայում կատարված սոցհետազոտության համաձայն՝ երկրի երիտասարդ բնակչության մեծ մասը ցանկանում է մեկնել արտասահման։ Այս մասին տեղեկացնում է ermenihaber.am-ը:
12 քաղաքում բնակվող 15-25 տարեկան 600 երիտասարդների հետ անցկացված հարցումների մասնակիցների 61․7 տոկոսը եղել են ուսանողներ, 19 տոկոսը՝ աշխատողներ։ Հարցվածների 9 տոկոսը հայտնել է, որ ուսումնառությունն ավարտել է և աշխատանք է փնտրում, իսկ 7․3 տոկոսն արդեն դադարեցրել է աշխատանքի ապարդյուն որոնումները։
Հարցման մասնակիցների 70 տոկոսը նշել է, որ դեռևս չի կարողացել հասնել ֆինանսական անկախության։ Նրանց 62․5 տոկոսը հայտնել է, որ հնարավորության դեպքում բնակություն կհաստատեր որևէ այլ երկրում։
