ՀՀ նախկին վարչապետ Կարեն Կարապետյանը հրավիրվել է մասնակցելու ԱԺ ապրիլյան պատերազմի հարցով քննիչ հանձնաժողովի նիստին
ՀՀ ազգային ժողովի ապրիլյան պատերազմի հանգամանքներն ուսումնասիրող քննիչ հանձնաժողովն իր նիստի աշխատանքներին մասնակցելու համար հրավիրել է Հայաստանի Հանրապետության նախկին վարչապետ Կարեն Կարապետյանին:
«Արմենպրես»-ի հետ զրույցում հաձնաժողովի նախագահ Անդրանիկ Քոչարյանը հայտնեց, որ առաջարկն ուղարկել են, ենթադրում է, որ այն կընդունվի:
Նիստը նշանակված է երկուշաբթի օրը՝ մայիսի 11-ին ժամը 13:00-ին:
Հանձնաժողովի նիստին վերջերս մասնակցել է նաև ՀՀ երրորդ նախագահ Սերժ Սարգսյանը, այնուհետև Արցախի Հանրապետության ոստիկանապետ, Ապրիլյան պատերազմի ժամանակ Պաշտպանության բանակի հրամանատար Լևոն Մնացականյանը:
