Իսրայելում հարցվածների 53%-ը կողմ է Թուրքիայի հետ քաղաքական հարաբերությունների զարգացմանը
Իսրայելի արտաքին քաղաքականության ինստիտուտը սոցհարցում է իրականացրել` պարզելու երկրում Թուրքիայի հետ քաղաքական հարաբերությունների զարգացման շուրջ տրամադրությունները: Այս մասին տեղեկացնում ermenihaber.am-ը:
Սոցհարցմանը ընդհանուր առմամբ մասնակցել է 700 քաղաքացի:
Ըստ այդմ` իսրայելցիների 53 տոկոսը կողմ, իսկ 32 տոկոսը դեմ է արտահայտվել Թուրքիայի հետ քաղաքական հարաբերությունների զարգացմանը:
Մասնակիցների 15 տոկոսը հստակ դիրքորոշում չի արտահայտել նշյալ հարցի վերաբերյալ:
