Facebook-ում կսահմանափակեն հարցումների անցկացման համար հավելվածների աշխատանքը
Facebook-ի տնօրենությունը սոցցանցում այն հավելվածների աշխատանքի սահմանափակումներ է մտցնում, որոնք նախատեսված են օգտատիրոջ անձի վերաբերյալ տեղեկատվության ստացման համար: Այս մասին հայտնել է CNN հեռուստաալիքը:
Ինչպես նշել է հեռուստաալիքը, այդ ճշտումը մտցվել է Facebook-ի հետ համագործակցող ծրագրային ապահովման մշակողների համար սահմանված կանոններում: Նոր նորմաների համաձայն՝ հավելվածները, որոնց մասին խոսվում է, «կարող են» սոցցանցում գործելու «թույլտվություն չստանալ:
Facebook-ի ներկայացուցիչը հեռուստաալիքին պարզաբանել է, որ նշված հավելվածները լիովին չեն արգելվի: Սակայն դրանք խիստ մանրակրկիտ ստուգման կենթարկվեն սոցցանցի մասնագետների կողմից: Թե հատապես ինչ չափանիշներով, չի ճշտվում: Կանոններում նաեւ ներառվել են լրացուցիչ կետեր, որոնք վերաբերում են հավելվածների կողմից օգտատերերի զանազան տեղեկատվության կիրառմանը:
Նոր նորմաների համաձայն՝ եթե հավելվածն 90 օրվա ընթացքում չի օգտագործել ինչ-որ տվյալներ, որոնք մարդը թույլատրել է կիրառել, համապատասխան համաձայնագիրը լուծարվում է, հաղորդել է ՏԱՍՍ-ը:
