«Այժմ Թուրքիայի տնտեսությունը աշխարհում 13-րդն է». Լոնդոնի ֆինանսական կենտոնի նախագահ
Լոնդոնի ֆինանսական կենտոնի նախագահ Փիթըր Էսթլինը մասնակցել է Թուրքիայի արդյունաբերողների և գործարարների միության կազմակերպած «Բրեքսիթից հետո ֆինանսների և սպասարկման ոլորտներում ուժեղացնել Թուրքիա-Միացյալ Թագավորություն համագործակցությունը» խորագրով քննարկմանը:
Այս մասին տեղեկացնում ermenihaber.am-ը:
Էսթլինի խոսքով` Անգլիայի համար Թուրքիան ամենակարևոր առևտրային գործընկերն է:
«Թուրքիայի և Միացյալ Թագավորության միջև հարաբերությունները լավ են: Ավելի շատ պետք է զարգացնենք»:
Էսթլինը նաև նշել է, որ Անգլիայից բազմաթիվ զբոսաշրջիկներ են մեկնում Թուրքիա:
«Նախատեսում ենք, որ Թուրքիայի և Միացյալ Թագավորության միջև առևտրաշրջանառությունը անցնի 20 մլրդ դոլարը: Թուրքիայի տնտեսությունը մեծացել է: Այժմ Թուրքիայի տնտեսությունը աշխարհում 13-րդն է: Թուրքական տնտեսությունը եվրոպական երկրների տնտեսություններից ավելի արագ է զարգանում»,- կարծիք է հայտնել Էսթլինը:
