Ռումինիան ծրագրում է եվրոյին անցնել 2024 թվականին
Ռումինիան նպատակ է դրել եվրոյին անցնել 2024 թվականին: Այդ մասին հայտարարել է Ռումինիայի ֆինանսների նախարար Էուջեն Թեոդորովիչը երկրի մայրաքաղաք Բուխարեստում Եվրախմբի հանդիպման եւ Եվրամիության ֆինանսների նախարարների ոչ պաշտոնական հանդիպման սկսվելուց առաջ:
«Ռումինիան 2024 թվականին եվրոյին անցնելու հստակ նպատակ է դրել,- ասել է Թեոդորովիչը:- Նույնիսկ եթե մենք պատրաստ ենք որոշակի չափանիշներով, որոշումն ընդունվում է եվրոպական մակարդակով: Ռումինիան այդ առումով շատ լավ հիմնավորված ծրագիր ունի: Անցյալ տարվա դեկտեմբերին կառավարությունը հավանություն տվեց եվրոյին անցնելու այդ պլանին: Մենք հետեւում ենք դրան, կատարում պայմանները, ինչպես որ միշտ արել ենք», հաղորդել է ՏԱՍՍ-ը:
