Վենեսուելայի Գերագույն դատարանը քրեական դատավարություն է սկսել Գուայդոյի դեմ
Վենեսուելական ընդդիմության առաջնորդ, խորհրդարանի խոսնակ Խուան Գուայդոյի դեմ, որն իրեն երկրի ժամանակավոր նախագահ է հռչակել, քրեական դատավարությունն սկսված է: Այդ մասին հայտնել է Վենեսուելայի Ազգային սահմանադիր ժողովի (ԱՍԺ) անդամ Գարսիա Սերպան:
«Նրա դեմ սկսվել է քրեական դատավարություն, որը կվարեն Գերագույն դատարանը եւ դատախազը»,- հայտարարել է Սերպան պետական հեռուստատեսության եթերում: Նրա խոսքով՝ Գուայդոն «պետք է պատասխան տա այն ամենի համար, ինչ արել է եւ հայրենիքի դավաճանության համար»:
Ինչպես արդեն տեղեկացվել է, նախօրյակին Գուայդոն Ազգային սահմանադիր ժողովի որոշմամբ եւ Վենեսուելայի Գերագույն դատարանի հանձնարարականով զրկվել է խորհրդարանական անձեռնմխելիությունից: Գուայդոն ինքն ԱՍԺ-ի որոշման հրապարակումից հետո հայտարարել է, որ մտադիր չէ դադարեցնել պայքարն ընդդեմ իշխանությունների, հաղորդել է «Ինտերֆաքսը»:
