Ֆելիքս Ցոլակյանը խորհրդարանական ընտրություններին մասնակցելու է ՔՊ-ի ցուցակով
ՀՀ արտակարգ իրավիճակների նախարարի պաշտոնակատար Ֆելիքս Ցոլակյանն առաջիկա խորհրդարանական ընտրություններին մասնակցելու է «Քաղաքացիական պայմանագիր» կուսակցության նախընտրական ցուցակով:
«Արմենպրես»-ի հետ զրույցում այս մասին ասաց Ցոլակյանը:
«Այո, մասնակցելու եմ առաջիկա խորհրդարանական ընտրություններին: Մասնակցելու եմ «Քաղաքացիական պայմանագիր» կուսակցության նախընտրական ցուցակով»,-ասաց Ցոլակյանը:
Նա նշեց, որ առաջարկը ստացել է ՔՊ-ից: Ցոլակյանը մասնակցելու է ռեյտինգային ընտրակարգով:
Նա դեռ հստակ չի որոշել խորհրդարան անցնելու դեպքում խորհրդարան կմտնի՞, թե ոչ:
