Եվրամիությունը սիրիական ընդդիմությանը համոզեց բանակցելու գալ Ժնև
Եվրամիությունը սիրիական ընդդիմությանը համոզել է Ժնեւ բանակցությունների գալ առանց նախապայմանների: Այդ մասին, ինչպես հաղորդել է ՌԻԱ Նովոստին, ապրիլի 19-ին հայտարարել է Բելգիայի արտաքին գործերի նախարար Դիդիե Ռեյնդերսը։ «Ընդդիմությունը պատրաստ է ժամանել Ժնեւ:
Եվրամիությունն արեց իր գործը՝ համոզելով ընդդիմությանը՝ գալ առանց նախապայմանների, համաձայնել բանակցություններ վարելուն: Հարկավոր է, որ սիրիական ռեժիմը համաձայնի իշխանության բաժանմանը, որպեսզի բոլոր ուժերը ներկայացված լինեն իշխանության մեջ»,-ասել է նա RTBF հեռուստառադիոընկերության եթերում: Ռեյնդերսի խոսքով՝ դրա համար «պահանջվում է ճնշում գործադրել ռեժիմի դաշնակիցների՝ Իրանի եւ Ռուսաստանի վրա, եւ մենք դա անում ենք»:
