Սևանա լճի մակարդակը նախորդ հունվարից ցածր է մնում 3 սանտիմետրով
Սևանա լճի մակարդակը 2018 թվականի հունվարի տասի դրությամբ ծովի մակերևույթից գտնվել է 1900 մետր 42 սանտիմետր բարձրության վրա: Ինչպես տեղեկացրին ՀՀ ԱԻՆ «Հայհիդրոմետ» ծառայությունից, գրանցված նիշը 3 սանտիմետրով զիջում է նախորդ տարվա հունվարի սկզբների նիշին:
Լճից ելքերը զրոյական են, իսկ մուտքերը շատ աննշան, քանի որ Արփա-Սևան թունելային ջրատարով այս տարում դեռ ջուր չի տեղափոխվել, իսկ Սևան թափվող գետերը գտնվում են ձմեռային սակավաջուր փուլում:
