Վարչապետ Կարեն Կարապետյանն ընդունել է «Կոկա-Կոլա Հելլենիկ» ընկերության տարածաշրջանային տնօրեն Քիթ Սանդերսի գլխավորած պատվիրակությանը:
ԱՄՆ հանրապետական սենատոր Ջոն Մակքեյնը չի հավատում Ռուսաստանի և ՌԴ-ի միջև հարաբերությունների վերաբեռնավորմանը Դոնալդ Թրամփի նախագահության ժամանակ և անհրաժեշտ է համարում Մոսկվայի հետ խոսել ուժի դիրքերից։
Հայաստանը սատարում է ԵԱՀԿ Երևանի գրասենյակի գործունեությանը և վերջինիս մշտապես աջակցություն է ցուցաբերում, մասնավորապես, ԵԱՀԿ-ում ընդունվող համապատասխան որոշումների շրջանակներում: Այս մասին ասաց ՀՀ արտաքին գործերի նախարարության խոսնակ Տիգրան Բալայանը` «Արմենպրես»-ի խնդրանքով մեկնաբանելով ԵԱՀԿ Երևանի գրասե նյակի փակման մասին խոսակցությունները:
Ոստիկանությունը հայտարարություն է տարածել, որում վարորդներին իրազեկել է, որ նշված հատվածում հունվարի 11-ից, ժամը 08:00-10:00-ն պարբերաբար փորձնական կարգով աշխատանքներ են իրականացվում` երթևեկության սխեմայի փոփոխության համար:
Հայաստանի քննչական կոմիտեի Երևան քաղաքի քննչական վարչության Կենտրոն և Նորք Մարաշ վարչական շրջանների քննչական բաժնի պետ Վիգեն Մեսրոպյանի որոշմամբ ստեղծված քննչական խմբում ներգրավված հատկապես կարևորագույն գործերով ավագ քննիչներ Վարդան Բադալյանի և Վլադիմիր Ասատրյանի կողմից հարուցված քրեական գործի շրջանակում նոր մանրամասներ են պարզվել, ինչպես նաև հայտնի է որոշ անձանց ինքնությունը, ովքեր եղել են Վարդանանց 28 շենքի բակում տեղադրված զրուցարանում։
«Առաջին անգամ եմ երևի ընթերցում այդպիսի հայտարարություն: Ես չեմ հիշում՝ արդյո՞ք ապրիլյան դեպքերի ժամանակ, երբ մեր զինվորների գլուխները կտրել էին, եղել էր այդպիսի հայտարարություն: Այս հայտարարությամբ պարզ է դառնում, որ հումանիզմն ակնկալվում է միայն մի կողմից: Դրա հետևանքը երևի լավն է. նշանակում է՝ Ադրբեջանից չեն ակնկալում հումանիզմի դրսևորում»:
Վերջին 10 տարում օդի ամենացածր ջերմաստիճանն ու ձյան առատ տեղումները Բալկաններում, Հունաստանում և Արևելյան Եվրոպայում հանգեցրել են տասնյակ մարդկանց ցրտահարության և մահվան դեպքերի։
«Հայկական կողմը, միջազգային Կարմիր խաչի կոմիտեի միջոցով, Ադրբեջանին տրամադրել է 90-ից ավելի մարդկանց ցուցակ, որոնց վերաբերյալ ունի հիմնավոր կասկած, որ նրանք ողջ են և պահվում են գերության մեջ»,- այսօր լրագրողների հետ հանդիպման ընթացքում հայտարարեց «Ընդդեմ իրավական կամայականությունների» հ/կ նախագահ, ՀՀ մարդու իրավունքների նախկին պաշտպան Լարիսա Ալավերդյանը:
ԱՄՆ պետքարտուղար Ջոն Քերին կարճաժամկետ այցով ժամանել է Վրաստան։ Նրա ինքնաթիռը վայրէջք է կատարել Թբիլիսիի միջազգային օդանավակայանում, հայտնում է «Գրուզիա օնլայնը»։
ՀՀ ԿԳՆ հանրակրթության վարչության պետ Նարինե Հովհաննիսյանը, սեփական դիմումի համաձայն, ազատվել է զբաղեցրած պաշտոնից: Այս մասին yerkir.am-ի հետ զրույցում ասաց ինքը` Հովհաննիսյանը:
Գերմանական verdl.de կայքը լուսանկար է հրապարակել՝ գրելով, որ պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի նախկին չեմպիոն Արթուր Աբրահամը հանդիպել է Հռոմի պապ Ֆրանցիսկոսի հետ:
Գերմանիան հայտնել է, որ 2016թ. երկիր է ժամանել ընդամենը 280 հազար ներգաղթյալ, ինչը գրեթե 600 հազարով պակաս է 2015թ. համեմատությամբ, հայտնում է BBC-ն։
Ինքնաթիռների աշխատանքին, որոնք ուղևորվում և վայրէջք են կատարում Բեյրութի օդանավակայանում, սպառնում են հարևան աղբանոցներում կեր փնտրելու նպատակով հավաքված թռչուններ, հայտարարել է Լիբանանի տրանսպորտի նախարար Յուսեֆ Ֆենիանոսը։
Facebook-ում արագորեն տարածվում է անօդաչու սարքից նկարահանված այն տեսանյութը, որտեղ պատկերված է, թե ինչպես են արագորեն ասֆալտ գցում Արեւմտյան Ավստրալիայի Մուր քաղաքում: Երկու շաբաթվա ընթացքում այն հավաքել է ավելի քան 14 մլն դիտում: Հոլովակի վերաբերյալ մեկնաբանություններում օգտատերերը նշում են, որ ասֆալտապատողների արագությունն ու վարպետությունը հիացմունք են պատճառում: Հոլովակը հրապարակած ընկերակցությունում նխել են, որ հինգ կիլոմետր […]
2016թ. վերջին Ռուսաստանում ֆիզիկական անձանց թիվը, որոնց դատարանները սնանկ են ճանաչել, ավելացել է՝ համեմատած երրորդ եռամյսակի հետ ավելի քան 27%-ով՝ 5392 մարդուց հասնելով մինչև 6875-ի, հայտնում է Interfax-ը՝ վկայակոչելով Սնանկության մասին միասնական դաշնային ռեեստրի վիճակագրությանը։
Կիրակոսյանի պաշտոնավարման ժամկետը երկարաձգվեց չորս տարով: Նա կշարունակի նախարարության աշխատակազմը ղեկավարել մինչև 2021 թվականի հունվարի 24-ը:
«Մենք վերանայեցինք տնտեսական զարգացման մոդելը և հիմնական շեշտը դնում ենք, որ տնտեսությունը զարգանա առաջարկի հիման վրա։ Ելնելով փոքր տնտեսության առանձնահատկություններից՝ մենք հիմնական շեշտը դնում ենք, որ տնտեսությունը պետք է զարգանա՝ ի հաշիվ արտահանման»։
Կարեն Կարապետյանը նշել է, որ սոցիալապես անապահով ընտանիքներին արտոնյալ գին սահմանելու վերաբերյալ քննարկումների ժամանակ նախարարության ներկայացրած ցուցակում եղել են սոցիալապես անապահով որոշ ընտանիքներ, որոնք միջինից ավելի շատ գազ են սպառում: «Կարծում եմ՝ հայտանիշերը մեզ լրացուցիչ հնարավորություններ կտան ցուցակում ընդգրկել ճիշտ համապատասխան շերտը»,- նշել է գործադիրի ղեկավարը:
Թուրքիայում ՌԴ դեսպան Անդրեյ Կառլովին սպանող Մևլյութ Մերթ Ալթընթաշը, որի մարմինը դիահերձարանից հրաժարվել էին վերցնել ազգականները, կթաղվի անանուն գերեզմանատանը, հայտնում է Anadolu գործակալությունը։
Հունվարի 13-ին առանձին շրջաններում սպասվում է թույլ ձյուն: 14-17-ը սպասվում է առանց տեղումների եղանակ, Արարատյան դաշտում, Արագածոտնի և Վայոց ձորի նախալեռնային գոտիներում հատկապես գիշերը և առավոտյան սպասվում է մառախուղ:
ՀՀ արտակարգ իրավիճակների նախարարությունը տեղեկացնում է, որ հունվարի 12-ի ժամը 14.00-ի դրությամբ ՀՀ տարածքում կան դժվարանցանելի ավտոճանապարհներ:
«Նախարարության կազմում վարչություն է գործում, վարչությունը կարող է վարել այդ գործառույթները»,- ասաց նախարարը՝ նշելով, որ ծրագրի ուղղությամբ աշխատանքներ իրականացվում են, ծրագիրը կառավարության հսկողության տակ է. «Բոլորս էլ հասկանում ենք, որ դա հեշտ ծրագիր չէ»։
ՀՀ կառավարության այսօրվա նիստում վարչապետը Արթիկի թ. 7 ավագ ավերակ դպրոցի վերաբերյալ տվել է հետևյալ հանձնարարականը. «Արթիկում հնարավորություն ունենք օպտիմալացնելու, նորմալ պայմաններ ստեղծելու:
Ամերիկացի պաշտոնյաները հայտնում են, որ Ռուսաստանը շարունակում է ավելացնել ռազմական ներկայությունը Սիրիայում, թեև ՌԴ նախագահ Վլադիմիր Պուտինը բոլորովին հակառակի մասին էր հայտարարում, հայտնում է Fox News-ը՝ վկայակոչելով երկու անանուն ամերիկացի պաշտոնյաների։
ՀՀ քննչական կոմիտեի Երևանի քննչական վարչության Արաբկիր վարչական շրջանի քննչական բաժնում հարուցված քրեական գործով ձեռնարկված անհրաժեշտ քննչական և դատավարական այլ միջոցառումների արդունքում բացահայտվել է «ՎՏԲ Հայաստան բանկ» ՓԲԸ-ի բանկոմատից կատարված հափշտակության փորձը։
Ժամը 00։10-ի սահմաններում Կապան քաղաքի Ա. Մանուկյան և Թումանյան փողոցների խաչմերուկում բախվել են Կապան քաղաքի Մ. Պապյան փողոցի բնակիչ, 55-ամյա Գագիկ Աղախանյանի վարած Վազ 2121 մակնիշի 033 ՏՏ 60 համարանիշի և Կապան քաղաքի Շինարարների փողոցի բնակիչ, 22-ամյա Հովիկ Փարամազյանի վարած Mercedes մակնիշի 34 ZT 931 համարանիշի ավտոմեքենաները։
Հունվարի 12-ին, Լեռնային Ղարաբաղի Հանրապետության իշխանությունների հետ ձեռք բերված պայմանավորվածության համաձայն, ԵԱՀԿ առաքելությունը Լեռնային Ղարաբաղի և Ադրբեջանի զինված ուժերի շփման գծի պլանային դիտարկում է անցկացրել ԼՂՀ Մարտունու շրջանի ուղղությամբ՝ Աշաղը Վեյսալի բնակավայրի հյուսիս-արևելքում։
Սերբիայում՝ Նովի-Սադ քաղաքից ոչ հեռու, բախվել են երկու գնացքներ, ինչի հետևանքով տուժել է 22 մարդ։
«Մանչեսթեր Յունայթեդի» հարձակվող Զլատան Իբրահիմովիչը մարզական կարիերայի ավարտից հետո ցանկանում է դառնալ Շվեդիայի արքան:
Գործադիրի այսօրվա նիստի ընթացքում որոշում կայացվեց լուծարել «Համակարգչային կենտրոն» պետական ոչ առևտրային կազմակերպությունը։ Տարածքային կառավարման և զարգացման նախարար Դավիթ Լոքյանն ասաց, որ որոշումը բխում է կառավարության որդեգրած քաղաքականության սկզբունքներից։
