Ռուսաստանը շարունակում է ավելացնել ռազմական ներկայությունը Սիրիայում. Fox News
Ամերիկացի պաշտոնյաները հայտնում են, որ Ռուսաստանը շարունակում է ավելացնել ռազմական ներկայությունը Սիրիայում, թեև ՌԴ նախագահ Վլադիմիր Պուտինը բոլորովին հակառակի մասին էր հայտարարում, հայտնում է Fox News-ը՝ վկայակոչելով երկու անանուն ամերիկացի պաշտոնյաների։
Նրանց տվյալով՝ Ռուսաստանը ևս 4 «Սու-25» գրոհիչ ինքնաթիռներ է տեղակայել Սիրիայի ռազմաբազայում։
«Ռուսներն ասում են, որ իրենք հետ են քաշվում, սակայն մենք չենք տեսել դրա ոչ մի վկայություն։ Հակառակը, մենք նկատում ենք, որ նոր ուժեր են գալիս»,- հայտարարել է աղբյուրներից մեկը։
Դեկտեմբերի վերջին հաղորդվում էր, որ ՌԴ նախագահը հայտարարել էր Սիրիայում Ռուսաստանի ռազմական ներկայությունը կրճատելու մասին։