«Մենք կհաղթենք ակումբային առաջնությունը, որովհետև մենք «Ռեալն» ենք». Զիդան
«Ռեալի» գլխավոր մարզիչ Զինեդին Զիդանը խոսել է Աշխարհի ակումբային առաջնությունում թիմի առաջիկա ելույթների մասին:
«Հեշտ չի լինելու: Մեկ տարի առաջ մենք հաղթեցինք մրցաշարն առանց խնդիրների: Մենք կհաղթենք ակումբային առաջնությունը, որովհետև մենք «Ռեալն» ենք: Մենք ունենք ժամանակ, որ պատրաստվենք խաղերին: Օրացույցն այնպիսին է, ինչպիսին կա, և ում հետ էլ մենք խաղանք, պետք է վստահ լինենք մեր ուժերին:
Անկումներն ու ձախողումներն ամեն մրցաշրջանում նորմալ են: Մեր ելույթներն այս պահին դրական են: Մենք արդեն հաղթել ենք այս տիտղոսը, և կարծում եմ՝ այս անգամ էլ խնդիրներ չենք ունենա: Հետո մենք կփորձենք հաղթել Լա լիգան, գավաթը, ինչպես նաև Չեմպիոնների լիգան»,- նշել է Զիդանը:
Սիրարփի Աղաբաբյան
