Թրամփին պատկանող՝ գոլֆի համար մականների հավաքանին գրեթե 30 հազար դոլարով վաճարվել է աճուրդում
ԱՄՆ-ի ներկայիս նախագահ Դոնալդ Թրամփին պատկանող՝ գոլֆ խաղի համար մականների հավաքանին ԱՄՆ-ում 29,7 հազար դոլարով վաճառվել է աճուրդում: Այս մասին հաղորդել են Բոստոնում (Մասաչուսեթսի նահանգ) գտնվող RR Auction աճուրդային տան ներկայացուցիչները, որոնք կազմակերպել էին աճուրդը։
Մականների նոր տերը ցանկացել է անհայտ մնալ: RR Auction-ում ընդգծել են, որ գոհ են ստացված գումարից, սակայն տեղական զանգվածային լրատվամիջոցները նշում են, որ վերջնական արդյունքը հազիվ թե կարելի է տպավորիչ համար: Վաճառված մարզագույքի նվազագույն գնահատման արժեքը կազմել էր 30 հազար դոլար… Խոսքը վերաբերում է TaylorMade ընկերության արտադրության ավելի քան 10 անվանական մականներին: Թրամփը դրանք ունեցել է ավելի քան 10 տարի առաջ: Գործարարը դրանք օգտագործել է Բեդմինսթերում (Նյու Ջերսիի նահանգ) իրեն պատկանող գոլֆ-ակումբում խաղալիս: TaylorMade-ը մականները հատուկ պատարստել է Թրամփի համար, դրանցից յուրքանչյուրի վրա փորագրված է նրա անունը:
Հետագայում միլիարդատերը լրակազմը նվիրել է Էնդրյու Լոմբարդոյին, որը 2004-ից մինչեւ 2008 թվականները Թրամփի մոտ աշխատել է որպես քեդի (այսպես են կոչվում գոլֆ խաղացողի օգնականները, որոնց պարտականությունների մեջ է մտնում մարզական գույքի տեղափոխումը), հաղորդել է ՏԱՍՍ-ը:
