Բաժիններ՝

Թուրքիայի քեմալական կուսակցությունը պատրաստվում է դիմել ՄԻԵԴ

Թուրքիայի քեմալական Հանրապետական ժողովրդական կուսակցությունն ապրիլի 16­-ի սահմանադրական հանրաքվեի արդյունքների հարցով կդիմի Մարդու իրավունքների եվրոպական դատարան: Ինչպես հաղորդում է թուրքական «Դողան» գործակալությունը, այս մասին հայտնել է կուսակցության խոսնակ Սելին Սայեք Բյոքեն:

«Առաջիկա ժամանակահատվածում Մարդու իրավունքների եվրոպական դատարան դիմում կներկայացնենք»,­ ասել է խոսնակը: Ավելի վաղ կուսակցությունը հանրաքվեի արդյունքները չեղարկելու համար դիմել էր բարձրագույն ընտրական հանձնաժողով, որը, սակայն, մերժել էր դիմումը: Կուսակցությունը հայտնել էր սահմանադրական դատարան, ապա նաև ՄԻԵԴ դիմելու որոշման մասին: Թուրքիայում ապրիլի 16­-ին տեղի ունեցած սահմանադրական հանրաքվեի արդյունքներով հաղթող է ճանաչվել «այո»-­ն. սահմանադրական փոփոխություններին «այո» է ասել ընտրողների 51,41 տոկոսը, «ոչ»` 48,59 տոկոսը:

Թուրքիայի ընդդիմադիր կուսակցությունները բողոքարկել էին հանրաքվեի արդյունքները` հաշվի առնելով այն, որ ընտրական հանձնաժողովը որոշել էր վերջին պահին վավեր ճանաչել նաև անկնիք քվեները:

Բաժիններ՝

Տեսանյութեր

Լրահոս